क्रांती सिंहावलोकन
स्वातंत्र्यलढ्यातील अग्रणी डॉ. जी. डी. बापू लाड यांनी अनेक अडचणी वर मात करत क्रांती साखर कारखान्याची स्थापना केली. सांगली जिल्ह्यातील दुष्काळी भागात साखर कारखाना काढणे हे तसं मोठं आव्हानच होते. कारखान्याचा पहिला गाळप हंगाम हा सन २००२-२००३ मध्ये झाला. काखान्याच्या यशस्वी सुरवाती नंतर गरज होती ती, कार्यक्षेत्रात गाळप क्षमते इतका ऊस उत्पादन वाढवण्याची. परंतु दूरदृष्टीच्या बापूनी हेही आव्हान पेलले व एकरी ऊस उत्पदान वाढीचे अत्यंत अवघड कार्य हाती घेतले. या साठी सर्व प्रथम त्यांनी स्वतंत्र उसविकास विभागाची स्थापना केली.
बघता बघता गेल्या १० वर्षात त्यांनी व अरुण लाड यांनी कार्यक्षेत्रातील ऊस शेतीत आमुलाग्र बदल घडवून आणला.
